Εὐχή ἱκετήριος εἰς τήν Ἁγίαν Τριάδα
{ Ἀπό τό Ἀπάνθισμα διαφόρων Εὐχῶν τοῦ Πατριάρχου Νεοφύτου }
Ἡ πανσθενής καί ζωοποιός Ἁγία Τριάς καί ἀρχίφωτος, ἡ τήν παγκόσμιον ἅπασαν καί ὑπερκόσμιον κτίσιν διά μόνην ἀγαθότητα ἐξ οὐκ ὂντων παραγαγοῦσα καί προμηθουμένη καί συνέχουσα, ἡ μετά τῶν λοιπῶν σου ἀνεκφράστων περί τό βρότειον γένος εὐεργεσιῶν, καί τήν μετάνοιαν διά τό τῆς σαρκός ἀσθενές ἕως θανἀτου χαρισαμένη, μή ἐάσης με τόν δείλαιον ταῖς πονηραῖς πράξεσί μου συναποθανεῖν, μηδέ τῶ ἀρχεκάκω καί φθονερῶ λυμεῶνι ἐπίχαρμα χρηματίσαι.
Ὁρᾶς γάρ εὒσπλαγχνε, ὅση μέν ἡ ἐκείνου καθ' ήμῶν ἐπιβουλή καί δυσμένεια, ὅση δέ ἡ ἐμή ταλαιπωρία καί χαύνωσις καί ἀμέλεια, ἀλλά τῆ ἀσυγκρίτω χρηστότητί σου χρῆσαι, δέομαι, ἐπ' ἐμέ τόν καθ' έκάστην ἡμέραν καί ὥραν σέ παροργίζοντα τῆ τῶν σεπτῶν σου καί ζωηρῶν ἐντολῶν παραβάσει. Καί πάντα μέν τά διά πάσης μου τῆς ζωῆς καί μέχρι τῆς παρούσης ὥρας πλημμεληθέντα μοι ἐν πράξεσιν ἢ ρήμασιν ἢ διανοήμασιν, ἂφες καί συγχώρησον, ἀξίωσον δέ τό ἑξῆς με διανῦσαι τόν βίον ἐν μετανοία καί κατανύξει καί τηρήσει τῶν ἁγίων σου προσταγμάτων.
Εἲτε οὒν ἡδονῇ δελεασθείς πολυτρόπως ἡμάρτηκα, εἲτε κοσμικαῖς ἐπιθυμίαις ἀνοήτοις, καί βλαβεραῖς ἐξαπατηθείς ἐνδιέτριψα, εἲτε ὀργῇ καί θυμῷ κινηθείς ἀλόγῳ τινά τῶν ἀδελφῶν μου λελύπηκα, εἲτε ταῖς διά τῆς γλώττης ἀφύκτοις καί ποικίλαις καί ἰσχυραῖς παγίσιν ἐάλων, εἲτε διά τινός τῶν αἰσθήσεών μου ἢ καί διά πασῶν, ἑκών ἢ ἂκων, εἰδώς ἢ ἀγνοῶν, ἐκ συναρπαγῆς ἢ καί μελέτης ἀφρόνως ὠλίσθησα, εἲτε δε πονηροῖς διαλογισμοῖς καί ματαίοις τό συνειδός κατεμόλυνα, εἲτε τινί τρόπω ἐξήμαρτον, ὑπό προλήψεως καί συνηθείας τυραννούμενος φαύλης, σύγγνωθί μοι καί ἂφες ἅπαντα, πανοικτίρμων καί ὑπεράγαθε, καί χάρισέ μοι τοῦ λοιποῦ προθυμίαν καί δύναμιν εἰς τό ποιῆσαι τό θέλημά σου τό ἀγαθόν καί εὐάρεστον καί τέλειον, ἵνα τῆς νυκτερινῆς καί ζοφερᾶς κακίας, διά φωτοειδοῦς μετανοίας ἀπαλλαγείς, καί ὡς ἐν ἡμέρα εὐσχημόνως περιπατήσας, κεκαθαρμένος ἐποφθῶ τῆ φιλανθρωπία σου ὁ ἀνάξιος, ἀνυμνῶν σε καί μεγαλύνων εἰς τούς αἰῶνας. Ἀμήν.
Αν θέλετε να απλωθεί περισσότερο αυτή η αλυσίδα προσευχής, τυπώστε και διαδώστε και σε άλλους το κείμενο αυτό (ΕΔΩ εκτυπώσιμη μορφή Pdf)
